📅 Հուլիսի 19-ին իրականացրինք յուրօրինակ արշավային ուղևորություն՝ Գառնիից դեպի Գեղարդալիճ և Աժդահակ լեռ, որը համադրում էր բնության բացահայտում, արկածային երթուղի և պատմամշակութային շունչ։ 🚙 Մեր ուղևորությունը սկսվեց Ջիպերով Գառնիից, անցնելով Գեղարդի վանական համալիրի հարակից տարածքով՝ հասնելով դեպի Գեղարդալիճ, բարձրադիր լեռնային թաքնված գեղատեսիլ լիճ։ 🪨 Այնուհետև շարժվեցինք լեռներով՝ լեռնային, քարքարոտ ճանապարհով, մինչև Աժդահակ լեռան ստորոտ, որտեղից մեկնարկեց մեր քայլարշավը դեպի գագաթ։ 🏔️ Աժդահակի գագաթին մեզ դիմավորեց կախարդական խառնարանային լիճը՝ շրջապատված վայրի ծաղիկներով և ամպերով։ 📸 Արշավի ողջ ընթացքում վայելեցինք բնության գույները, քարերի վրա փորագրված նախնադարյան պատկերներ, լեռնային բուսականություն և սարերի լուռ շունչը։ Տևողություն՝ մոտ 8 ժամ՝ ներառյալ կանգառները, քայլարշավը, ընդմիջումը և վայելքը։ Ծառայություններ՝ Ջիպերով տեղափոխում, ուղեկցող, լուսանկարիչ, հանգստի դադարներ։ Արշավի կազմակերպիչ՝ MyGarni.com, Գառնի համայնք։