20 ապրիլի, 2026 թ.1 րոպե
Օգոստոսի 24-ին մենք Գառնիից մեկնեցինք քայլարշավով դեպի մեր սիրելի բարձունքներն ու կիրճերը։ Ճանապարհը սկսվեց Խումարաժամի կողմից, որտեղից շարժվեցինք դեպի Մաշտոց Հայրապետ եկեղեցի։ Հին քարերի միջով քայլելով՝ հասանք Քարերի Սիմֆոնիա․ այդ հրաշք բնապատկերը միշտ նոր տպավորություն է թողնում։ Այստեղ փոքրիկ ընդմիջում արեցինք՝ վայելելով թարմ սուրճն ու թեյը։ Այնուհետև փորձեցինք ձիավարության հաճույքը հենց այդ տարածքում։ Ճանապարհի շարունակությունը մեր Jeep-երով էր․ շարժվեցինք Ազատի կիրճով ներքև՝ մինչև Բարդիների պուրակ հանգստի գոտի։ Այստեղ կանգ առանք, կազմակերպեցինք համեղ հաց, նստեցինք բնության գրկում և լավ հանգստացանք։ Մեր արկածը շարունակվեց դեպի Ազատի ջրամբար։ Կերպարեղ տեսարանի ֆոնին վառեցինք խարույկ, կրկին սուրճ և թեյ վայելեցինք, իսկ երեկոյան Jeep-երով վերադարձանք դեպի Գառնի։ Այս օրն իսկական արկածային ու անմոռանալի փորձառություն էր՝ քայլարշավից մինչև ձիավարություն, Jeep-երով արշավից մինչև կրակի շուրջ անցկացած երեկո։
